البارحه ياحسين مركاي كوعي .. .. من العشا الين اذن الفجر يا حسين

اذهب الى الأسفل

البارحه ياحسين مركاي كوعي .. .. من العشا الين اذن الفجر يا حسين

مُساهمة من طرف الجنوبي292 في الثلاثاء يناير 26, 2010 10:45 am

قصيده مشعل حمود الحبيني العازمي



البارحه ياحسين مركاي كوعي .. .. من العشا الين اذن الفجر يا حسين
ما غير اسلي خاطري بالدموعي .. .. مثل الذي من يقضي الدين بالدين
وكل السبب طيري حسين الطبوعي .. .. النادر الا شوفته تطبر العين
اللي لمني ندبته فزوعي .. .. مثل الشجاع الي نهموه القريبين
قمت اتذكر تلته لطلوعي .. .. بخدن قنصنا فيه حروة اسبوعين
مدري ثمان ايام معهن اسبوعي .. .. لا شك كنهن يا ابن الاجواد يومين
وفي تالي المقناص يوم الربوعي .. .. اتلى العهد به راهي الجناحين
اقفى وراء خرب مسقر جزوعي .. .. متذير واردفت من عقبه طيرين
وسقنا معاهن وسط خد منوعي .. .. اقفن شمال ومبعدات عن العين
وقفت ادربل مير مامن سنوعي .. .. وقالوا جهاز الطير ما نسمعه زين
واجهدت رجلي بكل رجمن رفوعي .. .. ارقى والوح وادبل الصوت صوتين
وما قصرو وقت المنافع ربوعي .. .. واتخذت في جو القطامي نهارين
لاشك طيري ما نوى الرجوعي .. .. وانا بعد حدرت يم البلادين
ما كان ودي ان المفارق فجوعي .. .. ليته موادعيني سوات المحبين
الله يلوم الطير بعده يلوعي .. .. خلاني اسهر والمخاليق ممسين
عساه يسلم من يدين الطموعي.. .. اللي عن النشاد يخفي البراهين
والا الرجال الي تعرف السنوعي .. .. تلقى على حجله مع السبق رقمين
والا عساه بناريات التنوعي .. .. ورزقه على الي خالق الناس من طين
ومما جرا يا حسين قلبي قنوعي.. .. لو كان عقبه خاطري صاير شين
avatar
الجنوبي292
الرئيس
الرئيس

عدد المساهمات : 147
تاريخ التسجيل : 23/01/2010
الموقع : بلا عنـــــــــــــــــــــــــــوان

الرجوع الى أعلى الصفحة اذهب الى الأسفل

رد: البارحه ياحسين مركاي كوعي .. .. من العشا الين اذن الفجر يا حسين

مُساهمة من طرف بــارود في الإثنين فبراير 01, 2010 12:55 pm

لاهنت يالجنوبي على النقل ولايهون مشعل العازمي على القصيده
تحياتي
avatar
بــارود

عدد المساهمات : 115
تاريخ التسجيل : 28/01/2010

الرجوع الى أعلى الصفحة اذهب الى الأسفل

رد: البارحه ياحسين مركاي كوعي .. .. من العشا الين اذن الفجر يا حسين

مُساهمة من طرف ارقب وصالكـ في السبت فبراير 06, 2010 8:49 am

من اجمل القصائد للشاعر مشعل العازمي

حيث تجسد دور الصقار عند فقدان طيره

كل الشكر
avatar
ارقب وصالكـ

عدد المساهمات : 51
تاريخ التسجيل : 26/01/2010
الموقع : المملكه العربيه السعوديه

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى