على خير أشوفك كان حنّا من الحييّـن.....!!

اذهب الى الأسفل

على خير أشوفك كان حنّا من الحييّـن.....!!

مُساهمة من طرف كاسب الطيب في الخميس فبراير 18, 2010 3:57 pm

على خير أشوفك كان حنّا من الحييّـن
مصير الليالي تجمع الحي مـع حيّـه

بقدرة ولي الكون رب البشـر والديـن
ألاهٍ سجدنا تحـت عرشـه وكرسيّـه

يقلّل سنين العمـر ولاّ يزيـد سنيـن
في ايديه الأمر ماهوب في ايديك وايديّه

وترى البعد بعد القلب ماهوب بعد العين
وأنا ابعدت عنّك وانت في قلبي وفيّـه

وأبوعدك وعد الحر والحر وعده ديـن
وبودّعك ذلحين وأوعدك فـي الجيّـه

لو أن البطا والبعد والمنتـزح والبيـن
تقطّع حبـال الوصـل وتغيّـر النيّـه

علي نذر ولاّ أقول تدري علي نذريـن
ماينساك قلبٍ وانـت ذكـره وطاريّـه

معي صبح ولاّ ليل ولاّ منيـن وويـن
تنقّل مابين عـروق قلبـي وعراويّـه

من الثلث ألأول لين يبدابـي الثلثيـن
وأنا أجلس مع طاريك ياحيّـك وحيّـه

أغني عليه يسار وأهرج عليـه يميـن
وألأشواق ماموره وألأحـزان منهيّـه

وأغمض عليك من الغلا عيوني الثنتين
وأرقّدك في ذيّـه وأسهـر معـك ذيّـه

ولحّفك خمس ضلوع ووسادتك ضلعين
وأضمك شويّه وارتخي منّـك شويّـه

وتنثر شعرك ومعنزه ركبـه وكوعيـن
وأشوفك وأقـول الله يعيـن الهواويّـه

وأذكرك قبل تنام تدعي وأقـول آميـن
تطيب الجروح اللي من الحب مكويّـه

وأذا الله أشاء وعاد حنّا مـن الحييّـن
علي بالحرام أنّي لعايدك فـي ضحيّـه

الشاعر......مبارك ابن عينان الهاجري
avatar
كاسب الطيب

عدد المساهمات : 36
تاريخ التسجيل : 26/01/2010

الرجوع الى أعلى الصفحة اذهب الى الأسفل

رد: على خير أشوفك كان حنّا من الحييّـن.....!!

مُساهمة من طرف خالد... في السبت فبراير 20, 2010 6:47 am

صح الله اللسااااااانك

يابن عيينااااااااااااااااااان

ولا هنت على نقلها يا كاسب الطيب
avatar
خالد...
مشرف الديوانيه العامه
مشرف الديوانيه العامه

عدد المساهمات : 105
تاريخ التسجيل : 26/01/2010
العمر : 38

الرجوع الى أعلى الصفحة اذهب الى الأسفل

رد: على خير أشوفك كان حنّا من الحييّـن.....!!

مُساهمة من طرف كاسب الطيب في السبت فبراير 20, 2010 2:58 pm

مشكـــــــــــــــور على المــــــــــــرور يا اخ خالد .......
avatar
كاسب الطيب

عدد المساهمات : 36
تاريخ التسجيل : 26/01/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى